點解你份CV咁Jumpy?(上)

或者有部分candidate見工嘅時候都會被HR問:點解你份CVJumpy嘅?

其實點先為之Jumpy呢?點解HR會咁介意呢個問題呢?文章會分為上﹑下篇為大家拆解,大數candidateHR嘅心聲,教你點面對呢條「唔知點答好」嘅世紀難題!

先講講點為之Jumpy,主要可以分開兩類工作:Office文職同埋前線工作(如SalesF&B)。一份文職工作做少過2年,前線工作做少過1年就係HR口中嘅Jumpy喇!如果你份份工都只係做一至兩年,甚至係幾個月就轉工,HR自然會問你:點解份份都做唔長嘅?

當然轉工嘅原因有好多,可以做得長邊個唔想呢?只係真係唔滿意份工作,先會想轉工,期望下份會更好;又或者有其他家庭或個人因素,搞到要成日轉工,久而久之變成HR口中嘅Jumpy,真係冤枉啊!唔知以下幾點又係唔係大家嘅心聲呢

1. 做得唔開心
返工唔係為咗尋開心,但唔等於要做得唔開心!工作辛苦壓力點都會有,小小嘢我可以忍下,出到嚟做嘢都要學習點樣處理壓力,但係當老細唔識欣賞你嘅付出,同事各有各做有時又搞啲小動作,同時要面對工作上嘅挑戰,本身幾有火忍得耐都會無心再做。

做得唔開心自然做得唔好,只會越做越頹,咁不如早走早着。工作都佔咗人生唔少時間,點解我要令自己長期處於呢種狀態呢?好彩嘅話可能好快就搵到一份自己滿意嘅工,但遇唔到咪唯有繼續搵工轉工

2.
唔係自己想做嘅行業
啲工作真係唔做過都唔知實際內容,好似
Marketing咁,都有分唔同方面嘅Marketing啦!返咗工先知同想像中有出入,我都會嘗試繼續做,期望當中可以學到相關嘅嘢,奈何我嘅工作心志不在於此,咁我寧願快啲轉過份工,希望可以搵到份工係更接近自己想做嘅嘢,唔想浪費時間嘛。

3.
工作量過多﹑工時長
有啲工作真係比較辛苦,例如係前線工作:Sales﹑保安﹑侍應等,長時間要站立﹑拎重嘢,又要輪班返工,甚至係返通宵更,長時間咁做都咪話唔辛苦!做得耐,身體未必負荷到,都會想搵份工可以穩定啲,先會想轉工,又或者辭工抖一抖再搵工。如果可以搵到一份長期做而唔會對身體唔好,我當然想做!

除此之外,有啲Office工都要日日OT,食無定時唔再講,晏一晏先收工第日又要晨早起身返工,有得轉工嘅話緊係早轉早走啦!

4.
人工過低﹑無前景
返工都係為咗賺錢,人工高低自然係一個考量,如果做咗一兩年人工冇加,但本身份糧又唔多,工作量又越來越大,自然想搵一份更好。時間耐咗就好似做咗好多唔同嘅工作咁,而實際上都只係想有一個更合理嘅待遇。

5.
方向未定,想試多啲
唔少Fresh graduate啱啱出嚟做嘢,都會唔知自己想做咩,無方向咪唯有咩都試下。時間有限,總唔能夠份份都做夠幾年先走,唔通去到三十幾歲都仲未知自己要行咩路咩?如果已經知道做緊嘅工唔係心中理想嘅工作,當然想快啲轉工,咪會有好Jumpy嘅情況出現囉!

而都有唔少Fresh graduate覺得經驗不足,寧願試多啲返下唔同工,累積多啲唔同嘅經驗,對將來一定有幫助,好過做死一份工,學到嘅嘢好窄,又未必真係有用仲唔抵。

其實以上嘅原因HR唔係無聽過,自己都係打工仔,又點會唔明呢?只係佢嘅職責係幫公司請人,在所難免一定要問清楚你轉工嘅原因。Jumpy唔係一個問題,而係你有無合理解釋到比HR知。

假設你話你唔滿意上一份工要輪更返工,但你之後幾份又繼續做呢類工作,咁唔係無改變過咩,HR就會好奇點解你唔做同一間呢?又或者你係因為工作同自己方向唔同而不斷轉工,但你做過嘅工作之中又無一份係相關,咁HR又會覺得你轉嚟轉去係無意義,因為你始終無去搵一份相關嘅工作。

講到尾,都係睇你講嘅同你做嘅一唔一樣,合唔合理,係咪真係有需要咁JumpyHR需要喺公司角度出發去請合適嘅人,面對比較JumpyCandidate佢哋同樣都會有擔心嘅地方,想知佢哋嘅諗法可以睇埋下篇!所以其實各位Candidate聽到HR咁問你唔洗即刻覺得自己實無行,內心又委屈,HR都係想了解返原因~Jumpy唔係死罪,解釋唔到先係問題啊!

Back

Drop CV now

Please drag your CV file here
Send CV