點解你份CV咁Jumpy?(下)

上篇從candidate角度大談Jumpy嘅問題(回帶:http://bit.ly/2UAqR6C),其實都係情有可原,咁HR係咪真係咁不近人情,一見到Jumpycandidate就唔會請呢?

世事就無絕對嘅,HR都係對Jumpy有所顧慮,先會咁緊張,或者大家睇完呢篇就會了解更多!

1. HR
都係打工仔,請唔啱人都係會比老細話
人成日都會話
HR問埋啲刁鑽問題,好似要逼到啲candidate埋牆角咁,洗唔洗咁咄咄逼人啊?其實HR都係打份工,幫公司請人,佢地都唔係老細嚟!請一個適合公司嘅人係佢哋嘅本份,自然要做好把關工作。

每次見到啲比較JumpyCV,最大擔憂當然係怕個candidate做唔長啦!如果請個人返嚟好快就辭職,一來麻煩到其他同事要再train一個新人,二來流失率太高對公司長遠發展都唔好。所以講到尾,HR係想請一個做得長又有能力嘅人,如果唔係上頭怪罪落嚟,請唔啱人,就係失職喇!

2.
Jumpy怕個candidate經驗不足
問心請人緊係想請個有能力有經驗嘅人,將心比心換轉你做請人嗰個,都想請個咩都識做唔洗你教啦!而且有啲工作真係需要請有經驗嘅人,例如一啲senior職位,見你夠經驗信心都會大啲。

咁點先為之夠經驗呢?最直接就係睇兩點:之前份工嘅工作範疇相唔相關同埋做咗幾耐。相唔相關就睇返你apply咩行業嘅工,不過做幾長就有得衡量。上一篇都同大家講過Jumpy嘅定義,做得一兩年其實唔算多,係咪真係學得晒啲嘢呢?學識咗又等唔等於熟練做得好呢?當然你可以話有啲人做得耐都可以做得差㗎喎!但講真個HR只係睇到你份CV,數據顯示你真係做得一兩年,佢會覺得你經驗未夠都係合理懷疑。所以佢先會問你,點解份工做唔長啊?你識做啲咩啊?呢個時候你就要解釋返比HR知,展示返比佢睇你其實有足夠嘅知識同能力勝任工作。

3. 流失率高對公司不利
上面都有提及過,HR最大concern係驚啲人做唔長,佢哋要不停請人之餘,公司又要再花時間去教一個新人,等佢適應該公司文化同工作之後,先可以對佢委以重任。所以點解HR好怕啲candidateJumpy,因為感覺佢哋唔係咁易對公司有歸屬感,可能好快會走,長期落去其實係浪費緊公司資源,所以佢點都要問清楚你,想知道你係咪真係有心係呢間公司長做。

HR當然有佢哋嘅考慮,都唔係有心要為難一眾見工嘅人,只係佢哋想請到最適合嘅人,自然要嚴謹一啲。相信大家都會認同,難答嘅問題點止呢一條(小編之後就會寫教學文教教大家),其實HR係想睇你嘅應對能力,同埋解釋係咪言之有理,有信心解釋到,HR都唔會再chur住你唔放。

Jumpy對於HR嚟講係有隱憂,但並非無法接受。大家只要喺見工前諗定點樣好好解釋,比到信心HR你係有意長遠喺呢間公司發展,疑慮就可以釋除!大家都係打份工,希望各位打工仔見工都順順利利,HR又請到適合嘅人才,咁就win win雙贏啦!

Back

Drop CV now

Please drag your CV file here
Send CV